1. www.cally.mn хэрэглэгч танд дараах нөхцөлийн дагуу үйлчилгээ үзүүлэх бөгөөд та Cally апп-ыг хэрэглэхийн өмнө сайтар уншиж танилцана уу.
Cally үйлчилгээ нь урьдчилсан төлбөрт, байгууллагын дараа төлбөрт, өрхийн дараа төлбөрт үйлчилгээнээс бүрдэнэ.
2. Хэрэглэгч УТҮйлчилгээний шинэ дугаарлалт худалдаж авах бол вебсайт-аас бүх банкны онлайн салбар, Qpay, Lend.mn зэрэг төлбөр төлөх боломжуудыг ашиглан худалдан авалт хийх боломжтой ба салбар дээр ирэх шаардлагагүйгээр шууд идэвхжүүлэн ашиглах боломжтой байна.
3. Урьдчилсан төлбөрт Cally үйлчилгээний хугацаа дууссанаас хойш “14 хоног” ийн дотор гаднаас дуудлага хүлээн авах боломжтой байна. ”14 хоног” дууссанаас хойш “90 хоног” ийн хугацаанд Cally үйлчилгээний дугаар таны нэр дээр хадгалагдах ба 90 хоногын хугацаанд эрхээ сэргээгээгүй тохиолдолд шинэ дугаарын жагсаалтад шилжинэ
4. Урьдчилсан төлбөрт үйлчилгээний шинэ дугаар худалдаж авах бол та бүх үйлчилгээний төлбөрийг урьдчилан төлөх шаардлагатай бөгөөд ярианы үнэ тариф болон бусад төлбөрийн нөхцөлтэй урьдчилан танилцана уу.
5. Хэрэглэгч веб сайтаас өөрийн мэдээллийг харах, солих, УТҮ дугаарын цэнэглэлт хийх, шинэ дугаар авах, апп татах боломжтой байна.
6. Хэрэглэгч нь өөрийн дансны дугаар, нууц дугаарыг бусдад дамжуулахгүй байх үүрэгтэй бөгөөд өөрийн нууц дугаарыг бусдад дамжуулсан алдсан тохиолдолд гарсан хохиролыг үйлчилгээ үзүүлэгч байгууллага хариуцахгүй болно.
7. Уг үйлчилгээний дугаарыг хууль бусаар ашигласан тохиолдолд үйлчилгээ үзүүлэгч нь хураан авах, уг этгээдэд үйлчилгээ үзүүлэхээс татгалзах эрхтэй.
8. Нэвтэрсний дараа аппликейшн танаас зарим хувийн мэдээлэлд хандах зөвшөөрөл хүснэ. Эдгээр нь зөвхөн аппликейшний функциональ байдлыг хангах зорилгоор ашиглагдах ба гуравдагч этгээдэд дамжуулахгүй, мөн боловсруулагдахгүй болно.
ЭНЭХҮҮ / ДООР ДУРДСАН / ПРОГРАММЫГ ХЭРЭГЛЭСНЭЭР ТА ДООРХ ГЭРЭЭНИЙ НӨХЦЛИЙГ ХҮЛЭЭН ЗӨВШӨӨРЧ БАЙГАА ТУЛ ПРОГРАМЫГ СУУЛГАЖ ХЭРЭГЛЭХИЙН ӨМНӨ ГЭРЭЭНИЙ НӨХЦӨЛТЭЙ ТАНИЛЦАНА УУ.
АНХААРАХ: Тухайн програм нь интернетийн сүлжээнд холбогдоогүй тохиолдолд ашиглах боломжгүй.
Энэхүү цахим гэрээгээр үйлчилгээ үзүүлэгч “СКАЙмедиа Корпораци ХХК” нь хэрэглэгчид ухаалаг гар утас, таблет дээр “Cally” үйлчилгээг үзүүлэх, хэрэглэгч нь гэрээнд заасан нөхцөлийн дагуу ашиглах, зохих төлбөрийг төлөхтэй холбогдон үүссэх харилцааг зохицуулахад оршино. Бид Таны эрх, хууль ёсны ашиг сонирхлыг зөрчихгүй байх, хэт нэг талыг барьсан зохицуулалтыг тулгахаас зайлсхийж, эрх тэгш, шударга байх, гэрээний чөлөөт байдлын зарчмыг баримтална.
1. Хэрэглэгчийн холбоо мэдээллийн хэрэгцээг хангах хүрээнд Үйлчилгээ үзүүлэгч нь харилцаа холбооны үйлчилгээг Гэрээнд заасан нөхцөлөөр үзүүлэх, Хэрэглэгч нь үйлчилгээний төлбөрийг төлөхтэй холбоотой харилцааг зохицуулахад оршино.
2. Үйлчилгээний нөхцөл, Нууцлалын бодлого нь гэрээний салшгүй хэсэг бөгөөд Хэрэглэгч нь Гэрээний нэгэн адил дагаж мөрдөнө.
1. Үйлчилгээ үзүүлэгчээс санал болгож буй Урьдчилсан төлбөрт шинэ дугаарууд нь 14, 30, 90, 180, 365 хоногийн үйлчилгээний хугацаатай байна. Хэрэглэгч нь үйлчилгээний хугацаа дууссанаас хойш “14 хоног”-ийн дотор гаднаас дуудлага хүлээн авах боломжтой байна. ”14 хоног” дууссанаас хойш “90 хоног”-ийн хугацаанд Cally үйлчилгээний дугаар таны нэр дээр хадгалагдах ба 90 хоногийн хугацаанд эрхээ сэргээгээгүй тохиолдолд дугаар хүчингүй болж, дахин худалдаанд гарна.
2. Дараа төлбөрт үйлчилгээг зөвхөн Байгууллага, Өрхийн хэрэглэгч авах боломжтой ба төлбөр сарын суурь хураамжид бодогдоно.
1. Хэрэглэгч нь Үйлчилгээ үзүүлэгчээс санал болгож буй багц үйлчилгээнээс сонгон Үйлчилгээг авах боломжтой. Багц үйлчилгээ, түүнд хамаарах төлбөрийн мэдээллийг Апп-ийн “Цэнэглэлт” хэсгээс танилцаж, сайн дурын үндсэн дээр үйлчилгээг сонгон, идэвхжүүлнэ.
2. Багц үйлчилгээний нөхцөлөөс гадна Үйлчилгээний төлбөрийг дараах тарифаар (НӨАТ багтсан) тооцно. Үүнд:
1.Ярианы тариф – 30₮ (Бусад сүлжээнд.)
2.Ярианы тариф – 0₮ (Скайтел болон IP76 сүлжээнд)
3.Багц бүрд дагалдах минутыг ашиглана.
3. Хэрэглэгч нь үйлчилгээний төлбөрийг www.cally.mn-д нэвтрэн хийх боломжтой.
4. Үйлчилгээ үзүүлэгч нь Багц үйлчилгээний тариф, төлбөрт өөрчлөлт оруулах эрхтэй бөгөөд өөрчлөлт оруулахаас 30 хоногийн өмнө Хэрэглэгчид урьдчилан мэдэгдэнэ. .
1. Үйлчилгээ үзүүлэгч нь дараах эрх эдэлнэ. Үүнд:
1. Хэрэглэгчийг гэрээгээр хүлээсэн үүргээ зохих ёсоор биелүүлэхийг шаардах;
2. Хэрэглэгчээс Апп-ийн бүртгэлд зориулан үнэн зөв, бүрэн мэдээлэл гаргаж өгөхийг хүсэх;
3. Үйлчилгээний төлбөрийг төлөөгүй тохиолдолд үйлчилгээг зогсоох;
4. Үйлчилгээний нөхцөлд тусгасан шаардлагыг хангаж буй төхөөрөмжөөр үйлчилгээ авахыг шаардах;
5. Монгол Улсад онц болон дайны байдал зарласан, гэнэтийн буюу давагдашгүй хүчний онцгой нөхцөл байдал үүссэн тохиолдолд эрх бүхий байгууллагаас харилцаа холбооны сүлжээг дайчлуулан ажиллуулах хүрээнд үйлчилгээг зогсоох, тоног төхөөрөмжийг ажиллуулахгүй байх;
6. Хэрэглэгчийн хууль, Гэрээг зөрчсөн үйлдэлтэй холбоотой өөрт болон бусдад учирсан хохирлыг барагдуулахаар шаардах;
7. Үйлчилгээний нөхцөлд заасан Апп-д хориглосон үйлдлийг хийсэн тохиолдолд үйлчилгээг зогсоож, гэрээг цуцлах;
8. Харилцаа холбооны хууль тогтоомжид заасан бусад эрх.
2. Үйлчилгээ үзүүлэгч нь дараах үүрэг хүлээнэ. Үүнд:
1. Хэрэглэгчийн эрх, хууль ёсны ашиг сонирхлыг хүндэтгэх;
2. Үйлчилгээний найдвартай, хэвийн, тасралтгүй байлгах, техник технологийн бүрэн бүтэн байдлыг хангахад өөрсдийн зүгээс шаардагдах бүхий л арга хэмжээг цаг алдалгүй авч байх;
3. Гэмтэл, доголдлыг богино хугацаанд засварлаж, үйлчилгээг сэргээх боломжгүй нөхцөлд энэ талаар Хэрэглэгчид нэн даруй мэдэгдэх;
4. Үйлчилгээг сайжруулах, шинэчлэх зорилгоор тоног төхөөрөмжийг өргөтгөх, үйлчилгээний зориулалтыг өөрчлөх, түр зогсоох тохиолдолд Хэрэглэгчид урьдчилан мэдэгдэх;
5. Хэрэглэгчийн хувийн халдашгүй байдлыг хангах хүрээнд Нууцлалын бодлогыг хэрэгжүүлэх;
6. Харилцаа холбооны хууль тогтоомж болон энэ Гэрээнд зааснаас бусад тохиолдолд үйлчилгээг зогсоохгүй байх;
7. Харилцаа холбооны зохицуулах хорооноос шаардсан мэдээллийг гаргаж өгөх;
8. Үйлчилгээний нөхцөл, Апп-ийн заавар зөвлөмжийг байнга авах боломжийг бүрдүүлэх;
9. Харилцаа холбооны хууль тогтоомжид заасан бусад үүрэг.
3. Хэрэглэгч нь дараах эрх эдэлнэ. Үүнд:
1. Үйлчилгээ үзүүлэгчээс Гэрээгээр хүлээсэн үүргээ биелүүлэхийг шаардах;
2. Үйлчилгээнд холбогдох санал, хүсэлт, гомдлоо шийдвэрлүүлэх;
3. Үйлчилгээний хэвийн байдал алдагдсан үед хариу арга хэмжээ авахыг шаардах;
4. Харилцаа холбооны хууль тогтоомжид заасан бусад эрх.
4. Хэрэглэгч нь дараах үүрэг хүлээнэ. Үүнд:
1. Гэрээгээр хүлээсэн үүргийг зохих ёсоор биелүүлж, Үйлчилгээний нөхцөлд заасан хориглосон үйл ажиллагааг зохион байгуулахгүй, үйлдэхгүй байх;
2. Апп-д нэвтрэх эрхийн мэдээлэл (нэр, нууц код)-ийг бусад этгээдэд дамжуулахгүй, задруулахгүй байх
3. Үйлчилгээний нөхцөлд заасан шаардлагыг хангасан тоног төхөөрөмжийг ашиглах;
4. Үйлчилгээний төлбөрийг төлөх;
5. Өөрийн дугаар, үйлчилгээний эрхийг бусад этгээдэд дамжуулан төлбөртэй болон төлбөргүй ашиглуулахгүй байх;
6. Харилцаа холбооны хууль тогтоомжид заасан бусад үүрэг.
1. Талууд гэрээгээр хүлээсэн үүргээ биелүүлээгүйгээс нөгөө талдаа учруулсан хохирлыг хариуцна.
2. Учирсан хохирол гэдэгт талууд гэрээний үүргээ биелүүлээгүй буюу зохих ёсоор биелүүлээгүй тохиолдолд гаргасан гомдлын шаардлагыг хангахтай холбоотой зардал, өөрт учирсан бодит хохирол, алдагдлыг ойлгоно.
3. Талууд гэрээгээр хүлээсэн үүрэгтээ ямар ч тохиолдолд хүндэтгэлтэй хандах бөгөөд аль нэг тал нь үүргээ биелүүлээгүйн улмаас нөгөө талд учирсан илүү зардал, нэмэлт төлбөрийг гэм буруутай тал хариуцна.
1. Талууд гэрээг байгуулсантай холбоотой болон гэрээг хэрэгжүүлэх явцад шууд болон шууд бусаар олж мэдсэн байгууллагын нууц, хүний хувийн мэдээлэлд хамааралтай (техник, санхүү, бизнесийн нууц гэх мэт) аливаа мэдээллийг Нууцлалын бодлогод зааснаас өөр тохиолдолд бусдад бичгэн, аман, бусад хэлбэрээр задруулахгүй, дамжуулахгүй, өөрийн болон гуравдагч этгээдийн ашиг сонирхолд ашиглахгүй байх үүргийг хугацаагүй хүлээнэ.
1. Холбогдох хууль тогтоомжид заасан гэнэтийн давагдашгүй хүчин зүйлсийн улмаас талуудын аль нэг нь гэрээнд заасан үүргээ биелүүлээгүй буюу зохих ёсоор биелүүлээгүй бол нөгөө талдаа ажлын тав хоногийн дотор бичгээр мэдэгдэх ба энэ тохиолдолд үүрэг гүйцэтгэх хугацаа нь энэхүү нөхцөл байдал үргэлжлэх хугацаагаар хойшлогдоно.
2. Гэнэтийн давагдашгүй хүчин зүйлс бий болсон нь хуанлийн нэг сараас дээш хугацаагаар үргэлжилсэн тохиолдолд талууд асуудлыг харилцан зөвшилцөх замаар шийдвэрлэнэ.
Хэрэглэгч таны www.cally.mn -нд бүртгүүлсэн мэдээллийн нууцыг манай сайт нэн тэргүүнд тавьж, нууцлалыг бүрэн хангаж ажиллана. Cally үйлчилгээний энэхүү вэб хуудас нь хамгаалалтын системтэй найдвартай тул хэрэглэгч таны оруулсан нууц код болон мэдээлэл найдвартай хамгаалагдах ба зайлшгүй тохиолдолд үйлчилгээний төвөөс танд ашигтай нөхцөлөөр болон таны хүсэлт, тантай холбоо барих, санал хүсэлтийг тань авах зэрэгт ашиглана. Мөн та оруулсан мэдээллээ хэдий ч, хаана ч харж өөрчлөх боломжтой ба та өөрөө мэдээллийн аюулгүй байдлаа хангах үүднээс гуравдагч этгээдэд нэвтрэх нэр, нууц үгээ дамжуулахаас зайлсхийж, бүртгэлээсээ гарч веб хөтөчийг хааж байхыг анхаарна уу.